Шупту кады бис, демниг бис, тиилээр бис!

Шупту кады бис, демниг бис, тиилээр бис!

Чаңгыс чер-чертуувус Оюмаа Ооржактың чогаалдары:

Дайын—шак бо сөстүң дидиренчиин
Дары өде халааны дег, аарышкылыынПоказать ещё
Дамыр хан-даа чүгүре бээр, хораданчыын
Дадай-дадай коргунчуун ай, айыылдыын.

Дайын—ыы-сыы хан-чин сиңген, муңгаранчыын
Даш дег аар-дыр, чүрек ыстаар, бергезин ай.
Бертик-бежел дайынчының човууру-даа
Белен эвес оруктары көстүп келир.

Аныяк чаш оолдарывыс тынын салып,
Аарышкылыг октан чоруп ырай берди.
Аа, өршээ диген ие эртениң-не
Аккыр сүдүн дээргилерже өргүп туру.

Сени манаайн

Дайын чааже чорупканы, сени манаайн
Талыгырда үдепкеним, сени манаайн
Согур ок-даа дегбезин деп тейлеп ора,
Соок-даа хүнде тенек эжим, сени манаайн.

Чортупканың каш сөстүг чагаажыыңны
Чонга номчуп, өөрүп, хөглеп сени манаайн.
Човулаңныг дайын дөмей төнер болгай,
Чоргаарланып, манап ора, уткуп алыйн.

Үш булуңнап дүрген саазын
Үгер боодан камгалады
Согур душ бооп холга туткан
Солун каш сөс тыным алды.

Берге өйде бичии сенден—
Бешки классчы оолчугаштан.
Мактал-алгал, чагыгларлыг
Магаданчыг чагаа болду.

Хөрек душта шыгжаттынган
Хөглүг ээлдек үжүк дизии
Хөмүрерген муңгаралдан
Хөөн чок мени сорук киирди.