Если Вы стали свидетелем аварии, пожара, необычного погодного явления, провала дороги или прорыва теплотрассы, сообщите об этом в ленте народных новостей. Загружайте фотографии через специальную форму.
Рекламный баннер 990x90px header-top
Рекламный баннер 728x90px center-top
Сафьяновтар аттыг музейде үндезин септелге 50 хууга күүсеттинген
Сафьяновтар аттыг музейде үндезин септелге 50 хууга күүсеттинген
“Культура” национал төлевилелдиң чорудуу-биле Бии-Хем кожууннуң Туран хоорайда Сафьяновтар аттыг чурт-шинчилел музейниң оран-савазында үндезин септелге уламчылап турар.Тываның Баштыңы Владислав Ховалыг тудуг ажылдарын хынап көрген. Амгы үеде төөгүлүг объектиде үндезин септелге 50 хууга күүсеттингенин «Планета» кызыгаарлаан харыысалгалыг ниитилелдиң төлээзи Артур Губасарян дыңнаткан. Хүлээникчи Национал музейниң объектизин хуусаа бетинде ажыглалче киирерин аазаан.
– Тудуг ажылдары апрель айда эгелээн. Керээ езугаар объектини октябрь эгезинде ажыглалче киирер. Оран-савада ажылдарның 50 хуузу күүсеттинген. Музейниң септелгезин доозупкаш, аңгы котельнаяны тудуп, чылыдылга системазын, чырыкты киирип, сугну чорудуп, чаагайжыдылга ажылдарынче кирер бис. Хууса бетинде доозуптарынга бүзүрелдиг бис. Амгы үеде бригадада доктаамал алды кижи ажылдап турар – деп, хүлээникчи дыңнаткан.
ТР-ниң Культура яамызының дыңнадып турары-биле алырга, федералдыг деткимчениң түңү – сес сая рубль. Бо хүнде оран-саваның иштики шеверлел ажылдарын кылып, музейниң мурнуу талазын чаартып турар.
Тайылбыр: Тус черниң төөгү болгаш культура чергелиг тураскаалы Тыва АССР-ниң Сайыттар чөвүлелиниң 1984 чылдың март 6-да үнген № 93 дугаарлыг доктаалын езугаар күрүне камгалында турар.
270659
Рекламный баннер 728x90px center-bottom
Поделитесь новостями с жителями города
Рекламный баннер 200x200px sidebar-right
Полезные ресурсы
Рекламный баннер 200x200px sidebar-right
Перепечатка материалов – с разрешения редакции.
За достоверность рекламы ответственность несёт рекламодатель.
Все рекламируемые товары и услуги подлежат сертификации и лицензированию.
Мнения авторов и редакции могут не совпадать.